【A&M Diary】Heavenly Gol gappe係一款印度街頭常見嘅小食，脆米球係由經過油炸嘅小麥粉製成，配菜有一碟帶有微辣嘅薯粒、一樽小小嘅薄荷汁、一碟甜酸汁。我哋就試吓將所有配菜塞滿脆米球，味道非常豐富，好有層次，酸酸甜甜加上薄荷，非常清新又開胃，after taste仲有薯料帶嚟嘅辣味，不過唔食得辣嘅就記得唔好放太多薯粒啦！
Chicken Tikka
火候控制得唔錯，雞肉帶有微微焦香味，肉質仍然非常juicy！配菜除咗紫洋蔥同檸檬汁，仲有一個綠色嘅Mint Chutney薄荷醬，非常清新仲可以消除飽滯感。
House Butter Chicken & Garlic Naan
牛油雞絕對係印度菜其中一個必食嘅主菜，雖然佢叫牛油雞，但當中嘅牛油其實係酥油，嫩滑嘅雞肉配上咖喱汁，相當惹味。同咖喱汁最夾嘅當然係Naan啦，鬆軟嘅烤餅帶有微微嘅蒜蓉香，更可以索晒牛油雞嘅精華，一滴都無浪費呀！
