【A&M Diary】近期多咗時間留喺香港，發現香港都有唔少親子好去處或週末好去處，其中就有唔少人鍾意去壁畫村拍拖、打卡同影相。其中一個比較出名嘅壁畫村位於錦田，但原來市區都有壁畫村㗎！藝里坊 ArtLane 位於西營盤，喺西營盤港鐵站B3出口一出就係，咁你男朋友就無原因打機都唔同你出街啦，就算放工食完飯都可以嚟行吓㗎！
藝里坊
藝里坊位於香港嘅西營盤，覆蓋忠正街、奇靈里同埋石棧里。呢個項目就搵咗9位本地同國際嘅藝術家，透過壁畫藝術融入區內大廈，並以大都會作爲壁畫主題。呢度嘅壁畫雖然無錦田咁多，只有16幅，但就非常集中，影相夠晒方便。壁畫分佈喺牆壁、樓梯同地下，千祈唔好錯過每一幅壁畫呀！
都市森林
以繽紛色彩同立體字型畫上了「ARTLANE」字，加上白色鸚鵡同綠葉配襯，營造森林嘅味道。
彩虹樓梯
彩虹樓梯係一個打卡熱點，以柔和嘅漸變色組成，好靚㗎。
動物小鎮
以一個又一個嘅三角形組合構成，描繪正在演奏樂器嘅動物，體現倫敦蘇豪區嘅氣氛。
音樂藝術之樂
組緻刻畫跳舞者同音樂家嘅表演形態。
維也納音樂小鎮
