【A&M Diary】Weekend終於唔駛俾M佬捉去行山喇！喺韓國大熱嘅「人生照相館」首次嚟到香港展出，嗱嗱臨捉M佬幫我影輯韓風靚相啦！「人生照相館」其實係一個互動攝影棚，結合韓國藝術文化、韓系夢幻環境設計同香港獨有主題佈置，配合影樓式專業打燈，就算只得一部手機，都可以輕輕鬆鬆影到一輯靚相啦！一齊睇睇今次展覽嘅詳細資訊啦！
提提你
因為每節參觀時段都有人數限制，想預約理想時間，可以經Klook預訂及購買門票。
人生照
人生照呢三個字喺韓國早已流行，意思係人生中最靚、最值得紀念嘅照片。所以「人生照相館」深受當地人歡迎，甚至有海外遊客專登飛去韓國朝聖添！人生照相館已經喺韓國12個城市舉辦超過20回，而首次海外巡演就選址香港，主題係「人生最美的瞬間就是現在，請把這個時刻捕捉下來吧！」
互動展覽
人生照相館強調自助式攝影空間概念，等大家喺毫無壓力之下，就可以自由擺出甫士。另外，每個攝影主題造景都放有射燈，加上專業團隊特別設計嘅色彩、燈光等元素，只要有一部手機，就可以輕易咁拍出一輯靚相喇！
拍攝主題
人生照相館總共有30個拍攝主題，當中三個更加係香港站獨有！一齊睇吓部份嘅攝影造景啦：
花樣年華
傘下的人
都市叢林
都市叢林
魔幻後園
花見小路
月下漫步
心花怒放
秘密庭院
懸紅地帶
左右電話亭
白日夢
白日夢
最佳主角
那個夏天
迷幻街角
迷幻街角
