【A&M Diary】放假喇，最好嘅活動當然就係去主題樂園玩啦！香港有唔少主題樂園同適合親子的景點，非常適合成班朋友或一家大細一齊去玩！同一張門飛點解要買貴咗先，不過，亦要小心貪平幫襯咗啲奸商呀！所以我哋綜合了全港10個有信心保證嘅主題樂園門票優惠，即去搶購門飛，為下個旅程做好準備！
1. 香港迪士尼樂園
香港迪士尼樂園絕對是親子及拍拖好去處，迪士尼樂園分為7個不同園區，超過100項遊樂設施及娛樂體驗，更會不定期推出期間限定的活動呢！
2. 香港海洋公園
香港海洋公園設有不少刺激機動遊戲，非常適合一大班朋友去狂玩啦！另外，香港海洋公園亦居住了唔同動物，除咗海洋生物，仲有熊貓、川金絲猴、北極狐、企鵝等等，玩足一日都唔會悶啦！
3. 香港海洋公園水上樂園
玩水唔止係夏天嘅活動，冬天同落雨天都可以盡情投入水世界！海洋公園水上樂園係近年全新嘅主題樂園，是亞洲首個及唯一全年全天候開放嘅臨海水上樂園。海洋公園水上樂園以「探索自然，激浪無限」為主題，園內設有5大主題區域，共27個室內外設施。
4. 昂坪360
去天壇大佛嘅最快捷方法當然係坐昂坪360啦，全程25分鐘就錯可以由東涌去到昂坪！除咗去寶蓮寺食齋，喺昂坪市集仲有唔少餐廳、食肆，同唔少娛樂設施，例如：纜車探知館、360動感影院、與佛同行、香港巧克力藝術坊等。
5. 天際100
香港夜景舉世知名，而最佳觀賞香港全景嘅地方，當然係全港最高嘅大廈啦！天際100係全港唯一一個室內觀景台，嘆住冷氣睇風景，就唔怕曬同唔怕落雨啦。
6. 香港樂高®探索中心
香港樂高®探索中心主要為3-10歲的小朋友而設，絕對是親子好去處！香港樂高®探索中心佔地3萬呎，設有多個Lego主題園區，提供互動遊戲同小型機動遊戲。
7. 香港大富翁夢想世界
大富翁絕對係全球最受歡迎嘅Board Game，喺香港大富翁夢想世界就可以走進大富翁世界，穿梭大富翁嘅唔同場景，了解遊戲嘅故事。香港大富翁夢想世界除咗將水務局、監獄等各大經典場景呈現眼前，園區更設有唔少互動遊戲。
8. 挪亞方舟
全球首個以1:1實物比例建造而成嘅挪亞方舟，集合宗教歷史、文化探索、自然生態嘅主題樂園。喺挪亞方舟內有唔少互動遊戲、180度洪水影院同未來方舟影院，讓大家了解挪亞方舟嘅故事，而唔可以錯過嘅打卡點當然就係方舟內67對稀有及瀕危動物嘅雕塑啦！
9. 香港浩海立方探游館
想同小朋友了解海底世界，可以去到近年開幕嘅香港浩海立方探游館。香港浩海立方探游館位於荃灣，佔地逾萬呎，係全港首個建於市中心嘅海洋體驗館，喺香港浩海立方探游館可以投過投影效果、視覺藝術同多媒體遊戲，投入真實的海底世界。
10. 香港杜莎夫人蠟像館
追星嘅最佳地點，唔通係廣播道咩？當然係香港杜莎夫人蠟像館啦！香港杜莎夫人蠟像館設有多個專區，包括時尚專區、風雲人物、世界首映及功夫專區等，可以盡情打卡影想呀！
