【Now新聞台】截至早上11點，1小時內《彭博》用戶關注度上升最多的港股，依次為銀河娛樂、兗州煤業、新力控股集團、中國神華、萬洲國際。
近日賭股強勢，整個板塊嘅表現都有改善，銀娛今早勢唔錯，暫時已連升第3日，其他賭股係咪都仲有上升空間？
安山資本資產管理部董事黃志陽指，如果發賭牌制度變得清晰，加上通關有望，賭股仍會有唔少上升空間。雖然呢啲問題短期內未必可以解決，加上賭股近期唔算特別強勢，但大市有力升返，加上估值平，相信賭股仲有得升。
不過，Jackson提醒要留意阻力位，雖然部分賭股冇牌照風險，但仍要睇疫情因素，如果疫情一直冇改善，通關無望，加上呢啲公司固定成本大，喺盈利大減下，好難上返裂口前水平。
