【Now新聞台】截至早上11點，1小時內《彭博》用戶關注度上升最多的港股，依次為，思摩爾國際、中國電信、平安好醫生、中國海洋石油、信達生物。
思摩爾中期業績多賺36倍至28.78億元人民幣，屬盈喜預測範圍內，期內收入同毛利率都有得升。不過，思摩爾今日低開3%後愈跌愈多，中午收市報36.9元，跌14.9%。
大華繼顯執行董事梁偉源話，近期投資者好怕監管風險，好多公司都被內地睇得好緊，即使公司上半年業績好，佢認為內地政策喺第3、4季對公司影響會更明顯浮現出嚟，所以唔少投資者喺公司出業績後就鬥快沽貨。
