【Now新聞台】截至早上11點，1小時內《彭博》用戶關注度上升最多港股依次為閱文集團、石藥集團、新奧能源、萬科企業、友邦保險。
雖然閱文成功「止血」，轉賺逾10億人仔，但上半年付費用戶減少6%，業務又處於監管風眼，股價今日插穿250天線，係逾15個月以嚟首次。
京華山一國際研究部主管彭偉新指，閱文股價已開始轉弱，由於公司創作嘅劇集，同埋電影內容有機會觸及內地監管紅線，即使業績有改善，前景仍有不確定性，投資者為減低風險，先行沽貨離場，依家股價失守250天線，會觸發更多投資者短期內離場，提醒投資者唔好掉以輕心，要留意如果今日收市唔能夠收復250天線，會係一個警號。
