【Now新聞台】截至早上11時，1小時內《彭博》用戶關注度上升最多的港股依次為中信股份、京東物流、美團、比亞迪股份、合景泰富。
市傳中國華融最新重組計劃，國務院已經開咗綠燈，包括容許中信集團入主，成為華融單一最大股東，中信會點樣受惠於呢個國家任務？
圓通環球金融集團行政總裁曾永堅指，中信幫華融重組係適合嘅選擇，因為現時中信市值約2500億人仔，而華融亦唔係完全爛晒，華融由收購不良資產變成金控公司，仍有前景，同埋手上仲有一啲有得發展嘅業務、資產。
Jasper又估計，如果睇返相關報道，中央似乎想華融做返本業，即處理不良資產，而其他資產會唔會放入中信，市場仲等緊細節，睇返中信嘅股價，反映市場對呢個消息係正面。
