【Now新聞台】截至早上11點，一小時內《彭博》用戶關注度上升最多的港股，依次為建業地產、中國石油股份、中國生物製藥、華能國際電力、江西銅業股份。
建業地產中期收入有交代，按年增長56%至203億元人民幣，但同期純利就麻麻，僅微增0.3%，至7.29億，明年到期嘅美元債，錄得5個月以來最大跌幅，股價今日早段雖然急升7%，但好快倒跌，最新股價都係偏軟。
英皇證券銷售部副總裁林建華指，依家內房債信貸風險明顯仍未消除，就算一路好多人講嘅恒大物業救得返，其他內房股嘅信貸危機都唔細，加上內地中央講明唔准炒房，想抬返高樓價，再沽貨絕對唔容易，所以內房只能薄利多銷，投資者要留意內房板塊事件會唔會繼續發酵。
