【Now新聞台】截至早上11點，1小時內《彭博》用戶關注度上升最多港股，依次為友邦保險、龍湖集團、國藥控股、騰訊控股及創科實業。
摩根士丹利上調友邦目標價46%，由89元調高至130元，主要券商中最「牛」。友邦中午收市升逾5%，報98.35元，暫時係表現第二好藍籌。
大摩話，睇好友邦內地業務嘅發展潛力，估計2030年時業務覆蓋城市將增至100個，較現時30個多超過3倍。不過，英皇證券銷售部副總裁林建華就唔係咁樂觀。
Anthony認為，內地雖然逐步開放市場，但唔能夠排除當局放寬後，內地人一窩蜂借買保險「走資」到國外，到時可能又有政策風險，友邦擴張業務時，就未必可以太進取。
