【Now新聞台】【Now財經台】截至早上11點，1小時內《彭博》用戶關注度上升最多港股，依次為中遠海控、國藥控股、中國銀行、交通銀行及中芯國際。
中遠海控發盈喜，料首季純利按年飆近52倍，扣除非經常性損益嘅淨利潤，更按年勁升逾200倍，加埋上個月蘇彝士運河事件影響貨櫃輪供應，都會推高運費。中遠股價今朝一度爆升逾30%，中午收市仍升逾25%，有機會錄得2008年以來最大單日升幅。
安山資本資產管理部董事黃志陽話，中遠多個利好因素都已經喺股價反映咗，而且炒咗一段時間，加埋上年基數低，出現200幾倍升幅都唔出奇，但嚟緊要睇實運費仲可唔可以企喺高位，如果跌得急就要小心。
