【Now新聞台】【Now財經台】截至早上11點，1小時內《彭博》用戶關注度上升最多嘅港股，依次為中國金茂、希慎興業、神州租車、龍湖集團、騰訊控股。
今日有兩隻内房股上榜，股價一升一跌，股價要跌嘅金茂預期，舊年最多少賺50%。
京華山一國際研究部主管彭偉新指，其實金茂營運表現唔算差，睇返營運數據，合約簽訂金額增長40%，屬於市場中位數，股價跌主要受減值影響，相信集團做減值報告，係因爲預期來年整體銷售比預期差，希望率先喺過去業績中反映，盡快「執靚盤數」。
雖然金茂股價跌幅較大，但亦見到有資金喺低位買入，反映投資者仍睇好集團前景，認爲股價有上升空間。
