【Now新聞台】截至早上11點，《彭博》系統Top Search No.1是聯想集團，第2至第5位依次為恒基地產、五礦資源、澳博及中國財險。
環球股市繼續向好，憧憬中美貿易談判最終可達成協議，好友都期望股市有力再升。但摩根士丹利同瑞信先後以「Time for a Pause」為題出報告，認為新興市場或區內股市升勢要抖下氣。
Winnie話，MSCI亞太(日本除外)相對環球指數市盈率，近十年好多時都處於折讓水平，但目前已慢慢逼近平均數，係咪仲有得升的確成疑。另外，大家都睇實港股係咪真係可企穩250天線，嚟緊中美貿易談判會見真章，港股亦開始踏入業績期，而家先入市會唔會已經太遲或者接火捧，大家都要諗清楚。
