【Now新聞台】截至早上11時止，《彭博》系統Top Search No.1是中國鋁業，第2至5位依次為吉利汽車、廣汽集團、美高梅中國及中銀香港。
美高梅中國係五隻上榜股唯一隻升嘅股份，賭股成個板塊都一齊升，臨近農曆新年，市場往往都睇實呢個板塊嘅走勢，皆因新年假期往往係賭股旺季。有調查指農曆新年假期期間，澳門氹仔個邊啲新酒店一晚起碼要2000蚊埋單，貴價啲嘅喺年初一、初二更加要5000蚊、6000蚊一晚，間接反映好多人去澳門，生意好旺，對賭股絕對係好消息。
Herman話，即使新年假係多人去澳門，但都唔好炒得咁開心，有可能旺丁不旺財，始終上年全年賭收喺3000億樓上，個基數已經高咗，好多大行都估計今年賭收會掉頭回落返5%左右，所以過完年都要睇下個賭收數字係咪真係咁高。
