【Now新聞台】截至早上11點，《彭博》系統Top Search No.1是美高梅中國，第2至第5位依次為莎莎國際、利豐、舜宇光學及宇華教育。
港交所股價今年累升14%，原因之一係獲摩根士丹利上調目標價到340蚊。但2015年港股大時代期間，港交所被大摩唱好後，股價好快就見頂。而舊年8月27日，港股顯著受壓，但大摩仍睇港交所去到290蚊，結果股價之後曾跌到落200蚊樓下，好彩捱兩個月價後就反彈收復失地。
Winnie話，大摩畀港交所290蚊嘅目標價係睇12至18個月，如果當時跟報告買入，又冇被震走嘅話，到而家其實都仲有賺。不過，港交所股價都仲未上到290蚊，大摩就又再睇340蚊，如果散戶想跟住大行報告去部署，就要睇實佢點樣轉。至於現時係咪應該加注，就要問吓自己係咪真係對個市咁有信心。
