【Now新聞台】截至早上11時止,《彭博》系統Top Search No. 1為綠城中國,第2至5位依次為利豐、中國太平、交通銀行及申洲國際。
道瓊斯工業平均指數又跌逾500點,道指同標普500指數12月都跌逾7%,到月底冇改善嘅話,道指12月跌幅將會係2010年5月以來最大。美國非牟利機構「美國個人投資者協會」每周都會問佢地嘅會員點睇未來六個月市況,結果截至上星期,睇好嘅只得20.9%,比率係超過兩年最低。此外,喺《彭博》新聞中,有提及「衰退(Recession)」字眼嘅新聞數目每周升至約300篇,數目係2016年2月以來最多。
Winnie話,投資者憂慮中美貿易戰前景不明,同埋美國加息過快令經濟急速冷卻,又驚美債孳息曲線倒掛,大家似乎都等緊「衰退」呢個結局出現......