【Viu】姜濤今日繼續喺澳門出席《NBA球迷日2026》，繼噚日喺活動上向偶像林書豪請教球技同集郵後，姜Admin今日繼續成就解鎖，喺技巧挑戰賽上同林書豪同組作賽，隊友仲有火箭名將阿門．湯普森，姜濤亦盡展「籃神」風采，成功入球後仲同林書豪Hi Five添，叻仔呀！
擔任活動壓軸表演嘉賓嘅姜濤，歌單當然别出心裁，先送上《LAVA》去形容各位球迷心目中嘅「籃球火」，繼而首唱《季前賽》主題曲《無人不知的戰果》Live，仲走匀全場同姜糖擊掌兼揸機影相，寵粉冠軍無誤！最後姜濤戴上Cap帽，送上由另一偶像小豬主演嘅偶像劇《籃球火》主題曲《Superman》，High爆全場，臨走前仲大送飛吻畀Fans，想睇又型又Sweet嘅姜Admin，呢個現場實況必睇呀！
