【Viu】Kelly陳慧琳、劉俊謙、Fish廖子妤今日現身中環品牌活動，壓軸出場嘅Kelly嚟緊月中就過53歲生日，佢話都推咗唔少飯局，因為要為快歌《三秒一生》排舞，準備9月嘅live演出！至於屋企嘅生日飯局，Kelly笑言提咗大仔送唇膏畀佢，乘機訓練佢遲吓送唇膏畀女朋友咁話！咁老公係咪送包包？佢大爆曾經拎ViuTV全新主題綜藝節目《直樂VIURIETY SING還者》今晚首集由20位新晉歌手玩紅白對唱，請嚟Edmond梁漢文任嘉賓評判兼唱《衣櫃裡的男人》，勁正呀！Edmond表示做評判壓力山大，叮走人超難受，又以大前輩經驗之談指，比賽有啲「撻Q」先正。Edmond又透露今年多留港工作，咁會唔會去老best許志安10月紅館騷踩場？
而希晉今晚以紅組歌手打頭陣孖Hei羅子熙唱《老派約會之必要》，對戰白組嘅樂兒 x Ina 《矛盾一生》，紅組輕鬆獲Edmond正評。之後希晉再孖小雞 x Tuzer0 x Hei跳唱《獅虎流》，結果紅組獲勝，希晉仲擸埋MVP，佢透露《全民造星V》後冇參加過比賽所以勁緊張，仲俾Hei爆佢隻手震過貓王，笑C！
下星期先有份出賽嘅亨仔，霸氣話玩《造星V》時冇輸過最終亦攞季軍，但就對MVP唔敢諗。講到早前自肥去長洲拍新歌《白日夢之旅》，喺民宿房遇到生蠔咁大嘅變異曱甴，4子驚到唔敢過夜，希晉同亨仔認細膽，仲話下次分享靈異事件添！講埋亨仔早前贏咗健美比賽，佢話公司已落閘唔俾佢參加着三角泳褲嗰隻專業認可嘅比賽！另外，今晚做主持嘅梁釗峰同Ash鍾卓穎直言超緊張到呼吸唔到。想知更多就入嚟睇訪問片啦！
