【MOBILE】昨晚（25日）ViuTV節目 《8點直樂 VIURIETY》主題係「晴」天霹靂之尋找CANDY Crush，顧名思義就係幫Candy搵新朋友仔啦！好姊妹Day、Winka就擔任閨蜜團，話要幫Candy把關！最終邊位男士獲得Candy青睞？Day、Winka又估唔估得啱？
事後Candy話今次未能逐一同啲男仔溝通了解，所以暫時係以外在因素去選擇，咁唔知Candy有咩擇偶條件？之前JW男友王至尊曾推薦3位球員畀Candy做候選男友，有冇下文？Candy亦乘機反代表COLLAR自薦任球賽嘅暖場嘉賓，醒目喎！
直言都想搵新朋友仔嘅Day，會唔會喺之後嘅The Choose Day 2.0願望成真？講到佢啱啱放完個大假，飛咗轉韓國做迷妹睇咗BIGBANG、YENA兩個騷，Day話超興奮呀！唔知佢係咪興奮得濟，買咗手燈但冇買電呀！之後就準備舞台劇啦，緊唔緊張先？
Winka日前孖ANSONBEAN任古天樂紅館騷嘉賓，佢話雖然事隔幾日但仲覺得未發完夢咁，冇諗過可以喺紅館唱到呢首歌，覺得好似交成績表咁！而日前有網民野生捕獲佢同男友朱芸編去主題樂園玩，Winka爆男友有啲唔開心，至於提到佢被影到下巴有條灰痕，真相又係點？男友睇唔到？另外，Day話留意到公司有post返《日落下的彩虹》啲爆笑NG片出嚟，不過自爆依家仲未係好敢重溫自己嘅演出，點解嘅？想知就睇足本訪問啦！
