【Viu】登登燈櫈！COLLAR成員Day同Candy又有新成就解鎖喇！就係笨豬跳喇！事緣Day同Candy早前為咗拍攝《澳門15變》獻出「第一次」，齊齊登上旅遊塔玩Skywalk，Candy就有啲淆底，起初行要手腳並用，後尾終於的起心肝伸隻腳出去，仲笑認個甫士好似美人魚添！而Day就超級大膽，唔止輕鬆完成Skywalk，仲成為笨豬跳嘅「COLLAR第一人」，落地時仲高呼：「我愛COLLAR！」團魂滿滿！
Day大讚笨豬跳好好玩，但最擔心跳落嚟嘅片會「樣衰」，又話下次想挑戰更高難度嘅跳法，甚至玩雙人笨豬跳，仲約定Candy「咪走數」添噃！Candy就封Day做「膽量狂人」，雖然有啲畏高，但希望將來可以儲夠膽量同Day一齊跳喎，果然係好姊妹呀！至於經過被指似陳展鵬嘅蘇家樂，就話Candy一見到自就爆笑，想知點解就睇片啦！
Viu最新旅遊節目《澳門15變》將於10月17日一次過推出晒15集俾大家睇，記得留意啦！
