【Viu】COLLAR成員Day許軼、Candy王家晴再孖住上出埠拍旅遊節目《自訂台灣軼晴》，佢哋今日出席節目記者會，笑話呢次旅程更了解雙方嘅差異、合拍位，例如係作息時間、着衫風格、飲食等！
見佢哋喺trailer入面喪食唔停，係咪一日會食好幾十餐？Day、Candy澄清今次食嘅次數比起上次飛韓國收斂咗，活動佔嘅部分比較多！Candy劇透佢哋有去算命問公司動向，同埋最重要嘅絪緣！Day笑話Candy被批喺25、26歲會受兩次情傷，但好快就會嚟個大逆轉，所以Day抵死叫Candy快啲受情傷，真係畀佢哋笑死無命賠！咁唔知Day嘅絪緣又會係點？
有fans眼利見到官方預告有Ivy So嘅身影，莫非今次節目係會有嘉賓環節？另外，Day早前為師兄姜濤新歌《Every Single Time》獻聲，佢笑話估唔到自己可以chok到把成熟又sexy嘅聲，有機會都想試吓呢個風格，咁幾時會推solo作品？日前Ivy So爆COLLAR團內廚藝最差嘅係Candy，Candy聽到即刻嗌「objection」，跟手又點平反？即刻睇足本訪問片啦！
