【Viu】COLLAR今晚為《HKT西九音樂節：越流行》打頭陣，首次表演首張EP《UNIT 1201》嘅4首新歌，Winka笑言跳到往生咁滯，芯駖同Day仲跳到畀頸鏈扑頭，認真搞笑！COLLAR透露完騷後就要閉關準備12月嘅澳門演唱會同Chill Club泰國騷，Gao仲用越南腔呼籲大家買飛！
講到芯駖po出終極性感相，隊友即起哄指芯駖冇著衫，亦唔敢挑機爭做性感女王，Gao仲即席拉起件衫，嚇窒一班隊友呀！
至於Marf喺萬聖節化咗「絲襪老笠妝」，原來佢拍完片就落咗妝，連街都冇落，COLLAR即提議出年齊齊扮「雪姑七友」，有料喎！
此外，Gao大讚《出租大叔》嘅18歲Challenge夠Fun，仲話張達倫同陳子豐嘅後生相激似Jeffrey，強尼就認佢唔到，又笑言想剪返校服相嘅MK蔭，等找數呀！
