【Viu】Jeffrey魏浚笙、朱鑑然、Renci楊偲泳、麗英同周漢寧今日出席新片《浪花男女》首映，影帝任達華喺訪問期間突擊現身送驚喜畀「阿仔」Jeffrey，仲幫阿仔拍埋打歌片，玩轉《PTU》金句「捽甩佢」，笑爆全場！
Jeffrey除咗盛讚「阿爸」好人外，仲話有機會都想同「哎吔細妹」Ella任晴佳合作；華哥受訪時亦「開綠燈」，批准Jeffrey同囡囡影雜誌封面，仲話今日係「偷走」嚟撐Jeffrey，十足「送羊入虎口」，希望之後可以再同阿仔合作咁話。講到「四哥」謝賢早前病逝，曾經合作《千王之王》嘅華哥就話最難忘四哥嘅樂觀，令片場充滿歡樂！
此外，朱仔首開腔回應被拍得同新歡行街一事，佢直認係了解中，當問到佢係咪單身時？Renci即「救駕」話朱仔今日係「三身」，事關有自己同Jeffrey相伴，朱仔再緊接食字話「三生有幸」就真！想了解更多就睇足本訪問啦！
