【Viu】阿正黃正宜、麗英、Rosa韋羅莎、陳湛文、周漢寧等，噚晚現身有份演出嘅新戲《全個世界都有電話》首映。
麗英同阿寧喺戲中飾演網騙高手，但現實中就相反，阿寧仲話有次靠媽咪提醒，先冇墮電騙陷阱。麗英就希望導演黃浩然寫劇本俾佢同阿寧演情侶咁話！
阿正就笑認係異性絕緣體，連網騙都唔搵上門，so sad！佢又要求拍談情戲，戲碼仲要係抱起撻落床嗰隻添！Jeffrey BB Are You Ready？
《造星V》嘅「Fung莎星辰」樂樂、Carson、樂庭、Kakit、Cho Lewis好乖仔，專程嚟撐組媽Rosa，Kakit仲話想睇Rosa喊戲喎！而嚟緊佢哋幾位喺13號會有一個live show，真係好期待啊！
講到同陳蕾爭組員火藥味濃一事，Rosa解釋話其實根本冇不和，只係節目效果啫，而陳湛文亦大讚睇兩位導師「打MMA」好好睇！
