【Viu】MIRROR今日喺南華會拍攝團綜《MIRROR ACE》，12子話最興奮係每集都有獎金，而且可以同好多運動界嘅「一姐一哥」競賽，今日就同「桌球一姐」吳安儀過招，佢哋仲推舉Tiger做「桌球王子」，連「倚天cue」同「屠龍cue」都出動埋，正副隊長仲搞Gag話Tiger喺波樓出世㗎！
既然有獎金，當然要有懲罰啦，咦？咁姜濤嘅招牌「彈額頭」會唔會重出江湖呢？姜濤又否認做咗籃球隊班主，只係請大家食飯，Edan即慫恿姜濤做馬主，有得諗喎！講到早前被車Cam拍得打完波後仍有Fans尾隨，姜濤亦再度回應私追問題。
至於是日團訪另一「受害者」就係出名口齒伶俐嘅Stanley，當大表哥分享同張家輝合作新片嘅感受時，因為口誤而遭Edan「狂誅」。AK就分享同拜仁名宿合照嘅感受，仲好開心自己送嘅禮物冇被遺漏喺更衣室，「FING小組」仲趁機狂Sell下月喺澳門舉行嘅《W.T.F. 3.0》添！想知更多12子最新消息，包括教主騷肌、Jeremy又想通渠？大家記得睇足本訪問啦！
