【Viu】Jason陳柏宇一連三場紅館騷《Jason Chan Live in Frames 20週年演唱會》今晚尾場！開唱前，Jason繼續率先出台同fans握手，仲笑稱：「噚日我仲係毛都未出齊，今日43歲喇係大人嚟！」生日快樂呀！
個唱尾聲，Jason老婆Leanne符曉薇孖兩女Abigail、Audrey出場，妻女仲即場送親手畫嘅生日咭俾「爸爸」，Jason仲3度錫錫「媽媽」同囡囡，sweet爆！
是夜嘉賓係農夫，有C君、陸永就有歡樂，二人同Jason唱完《魔法戰隊》後，就叫Jason可以安心屙尿，「因為通常嘉賓位都係廁所位，你去咗佢哋就可以去。」 又自嘲唔係林家謙，冇人想睇。其後農夫再孖Jason唱完《我連婚都夠膽結 》就落台，但1分鐘後忽然帶埋生日蛋糕再上台，又笑住帶領全場唱生日歌：「呢首歌係我哋㗎！已經衝出咗國際！」Jason坦言早估到有驚喜，但因忙於綵排就唔記得咗，所以係真驚喜唔是扮㗎！
Encore部份陳伯賣大包唱足半粒鐘，又拎住自拍棍多角度同歌迷selfie，再free flow叫fans點歌，唱到真最後一首《霸氣情歌》時，硬漢Jason堅眼濕濕！想睇陳伯幾sweet，入嚟睇住現場實況片先啦！
