【Viu】sica何洛瑤同Isabella陳海寧今日出席ViuTV全新旅遊節目《跳祭少女放飛假期》記者會，兩位「笑女」除咗化身「九龍灣皇帝」寫書法外，仲大晒「日文溝仔大法」，以及分享日本行嘅艷遇，sica仲踢爆Isabella比較受當地男仔歡迎，可惜兩個「I人」只敢FF讚對方靚仔，完全0行動兼冇下文，嘥料呀！問到同ERROR、P1X3L 5G合作主持節目「跳掣」啲，抑或同閨蜜出Trip「跳掣」啲呢？sica就自爆因為喺旅遊巴全程講嘢而被拍檔爆粗喝令收聲；Isabella就直認成日畀ERROR寸喇！
此外，主持Mishy李昭南早排代表公司去採訪世界盃，可以近距離接觸球王C朗同摩迪，簡直係成就解鎖，仲自爆對新星也馬同比寧咸心心眼添！想知就睇足本訪問啦！
