【Viu】朱栢謙、Sica何洛瑤、陳子豐、陳漢娜、林千渟、許月湘等今日出席ViuTV新劇《喜劇開場》拜神，「雄哥」朱謙繼《存酒人》後再同「阿當」Lokman合作，默契當然有提升，仲話今次演化學老師好啱自己，夠晒化學！至於陳子豐就演「無悔三兄弟」嘅經理人，可以奉旨鬧爆三子，沾沾有花姐Feel！
講到《存酒人》深受觀眾喜愛，導演仲話想搞Mini Concert，有份為其中一個單元獻唱嘅Sica，希望推出《藉口太多》，當然舉腳贊成搞騷啦！喺劇中自彈自唱嘅朱謙都多謝網友支持，仲話想開續集添！原來子豐都同《存》劇其中一個角色擦身而過，係咪好想知呢？
此外，陳漢娜、林千渟、許月湘分享返同「無悔三兄弟」嘅感情線，仲爆Lokman有呼風喚雨嘅能力，堪稱「風之子」咁話！想了解更多就睇足本訪問啦！
