【Viu】嚟緊7月7日就係Anson Lo@MIRROR嘅31歲生日！盧瀚霆國際後援會為教主精心炮製一連串嘅慶祝活動，其中嘅生日應援展《Anson Lo & Sontos - 【Amour ♡ Love】Popup Store》今日開始公開展出，勁多打卡位就must㗎啦，包括有首次增設同2米高嘅Little Anson合照位、Family Tree靚相合集、心型裝置、電視播放演唱會片段、展出全新product，亦有新嘅聽覺、視覺嘅彩蛋互動體驗區等，當然唔少得教主親手寫嘅「家書」啦，保證神徒一定會覺得超warm、超surprise呀！
5歲萌爆小神徒卓樂受訪表示最鍾意同撈撈哥哥影相兼唱歌，覺得佢好好人，隨即攞出準備咗成晚嘅生日禮物，除咗唱生日之外，仲有寫有「I Love You」嘅生日咭，祝教主「生日快樂！身體健康！正能量滿滿！加油！」，咁sweet得唔得㗎？至於神徒Chloe就跳咗part《Hey Hey OK!》賀撈撈豬，然後再孖Connie冧談同男神之間嘅難忘回憶，揚言好proud of做神徒，最後更齊齊祝福教主！依家先去睇生日展實況！喺度亦預祝Anson Lo生日快樂！
