【Viu】韓國女團i-dle成員MIYEON曹薇娟、Anson Lo@MIRROR今日現身澳門出席品牌活動，吸引大批Neverland、神徒嚟追星！不過撈撈就話同MIYEON只有打招呼嗰幾秒交流，未能大騷韓文同selfie啦！
對晏晝Jerdan暗指佢係包包王，唔知撈撈又有冇收藏珠寶？講到佢日前喺story post一part仔手臂，自爆每次出show嘅outfit係有幾窄就改到幾窄，所以都會有瘀痕，撈撈又笑談下半身係咪都一樣keep住窄添！
佢再話其實個post係純分享，仲透露遲吓會post一段自拍片，係解構服裝機關，強調呢次sharing一定贏硬小號！咁小號小編會唔會冇得撈㗎？提起小號，撈撈話開呢個acc係佢嘅idea，准許小號小編post黑圖，但...都有啲規限嘅，咁係咩呢？而偶像阿Sa呢日宣布閃婚，撈撈就話未有時間恭喜呀，之後會補send message祝福！
至於MIYEON則用廣東話打招呼，「奶音」勁99！佢興奮約定香港Neverland 6月啟德見之餘，又專登向Neverland留愛的message，so sweet！
另外，賭王何鴻燊與二太藍瓊纓之三女何超蕸月中（12日）病逝，其二姊何超鳳自喪妹後身穿全黑素服首現身，以澳娛綜合度假股份有限公司常務董事身份於活動致詞。
