【Viu】姜濤、Anson Lo盧瀚霆同Edan呂爵安今日喺沙田出席眼鏡活動，吸引過千Fans迫爆商場，三子仲大玩「Chok Po」遊戲，場面熱鬧！姜登神自認係「眼鏡控」，Edan仲笑指AL珍藏嘅包包一定多過眼鏡，但論到「鹹濕眼鏡」就不及「大表哥」Stanley喇！講到AL喺電台訪問中誤爆Jerdan將任大表哥婚禮兄弟團，Edan澄清自己只係次選，因為有人唔得閒先頂上，但又沾沾話證明自己嘅可靠程度比姜濤同AL高喎！笑指教主已被指派負責頂酒，Edan就話阿姜負責埋單，責任重大㗎！
講到教主將於7月喺澳門開Tour，佢就話目前積極操Fit身形，務求可以著返半年前嘅衫，仲大呻好後悔揀咗《Rude Boy》套衫：「唔係人著㗎！」最近不時街跑嘅教主，笑指跑過維園時見唔到姜濤，姜濤即刻相約下次一齊打波，期待喎！
至於Jer完騷時控訴Edan搵Ryan合唱都唔搵自己，高呼嬲咗，Edan直言係預計之內，仲搞Gag話唔止可以同Jer出合唱歌《傻闌》，仲可以整首《別闌住我》，SLDPK呀！
想聽姜濤親解520天赦日嘅發文用意？Edan點樣回應「Haters論」？教主嘅「What’s in my bag」系列係咪長拍長有？記得睇足本訪問喇！
