【Viu】PCCW Media皇牌劇集 《HashKey Exchange 呈獻：THE SEASON》 未播先熱，今次仲集合多位本地同國際演員，陣容夠晒星光熠熠。當中，Anson Lo盧瀚霆以「香港超級巨星」姿態登場，佢自爆劇中同Kōki,有曖昧情愫，最大挑戰係要演一場親密戲！阿撈仲讚Kōki,又專業又靚女，鏡頭外兩人仲由養寵物傾到護膚程序，完全零隔膜。
同樣飾演巨星嘅Marf邱彥筒，就指拍跳舞戲要俾阿撈舉起，佢慶幸自己夠輕，「我平時同朋友跳舞都成日叫人舉起我，但今次就擔心阿撈會攰！」佢指今次拍劇感覺好新奇，見到個遊艇廠景，即刻覺得自己變咗無名小卒，「真係感覺到有錢人世界！」
而Thor駱振偉就飾演上流社會大Ball司儀，為咗捕捉氣氛，佢將同一段騷做咗足足100次，搞到工作人員都識背佢啲對白。佢又share話原本劇本冇同嘉欣嘅交流戲，點知導演臨時加插一段戲，開心得佢呢！不過，佢話用英文演戲真係好大挑戰，仲預告稍後會有英文劇集試鏡，有機會衝出國際呀！快啲睇足本訪問啦！
