【Viu】MIRROR隊長Lokman、Frankie同Stanley今晚亮相ViuTV直播節目《8點直樂 VIURIETY》，以「IT狗」模式玩轉「大台理論」，仲邀得譚玉瑛做嘉賓，喺下廚同玩遊戲時狂窒MIRROR，笑爆全場！
Lokman、Frankie同Stanley直言細細個睇譚玉瑛姐姐嘅兒童節目長大，雖然年代有輕微落差，但不約而同大讚前輩轉數快兼鬼馬，Frankie仲笑認被窒得好爽、好舒服咁話！
至於Lokman當然要講返釜山之行嘅感受，雖然失落《全球OTT大獎》嘅「最佳男配角」有啲Sad，但當賺經驗，仲話今次冇集郵，希望將來有外國明星搵自己合照，有志氣！講到紅地氈嘅Deep V「肌心」造型驚艷Fans，呼籲Lokman返香港再派福利，隊長就立Flag要著「波叔Look」，嘩！玩到咁大得唔得㗎？而Stanley親回FC重組一事，再三感謝Team Stanley呢8年來無私嘅付出。
而譚玉瑛姐姐就大讚MIRROR三位「小朋友」玩得，仲激讚「阿仔」Stanley演技好添！佢仲回應埋舊拍檔鼎爺嘅家庭糾紛；談及伯樂鍾景輝逝世時仲眼濕濕。想知就睇足本訪問啦！
