【Viu】素人主演嘅潮汕方言電影《給阿嬤的情書》喺內地收破16億票房，男女主角王彥桐、李思潼今日現身香港出席首映禮，同場仲有發行商老闆之一嘅劉德華。喺台上進行儀式時，華仔主動同旁邊嘅彥桐握手兼拍拍膊頭以示支持，巧warm呀！
彥桐、思潼接受訪問表示初見天王巧激動，佢哋話嚟到現場先知道會見到華仔，彥桐話第一句同男神講嘅係：「可唔可以合照？」so cute呀！今次係彥桐第一次來港，佢話可惜冇時間欣賞夜景，覺得凍檸茶好正。思潼則第二次來港，佢話超鍾意菠蘿油，仲話唔怕肥添，但可惜今次行程緊密冇機會食。
網傳二人嘅片酬只係各收幾萬蚊，兩位主角表示想保留一點私隱。咁電影喺內地票房氣勢如虹，有冇獎金？彥桐即笑住反問：「真的有獎金嗎？我要問導演！」咁對香港票房有冇壓力？思潼承認有一點壓力。再講到有傳思潼已簽經理人做趙露思師妹，佢就否認，表示係不實報道。想睇吓兩位主角有幾可愛，入嚟睇片啦！
