【Viu】《修哥九五至尊無限楓騷演唱會》今日下午舉行，由下晝3點半唱到晚上8點05分結束，足足4個幾鐘，超過20組嘉賓輪流上台撐修哥，包括汪明荃、薛家燕、羅嘉良、草蜢、BIG FOUR冠莫文蔚等，勁呀！
至於兩大契仔張學友同張家輝當然要力撐啦，修哥仲偏咗段Rap嚟歡迎家輝，家輝仲大晒「渣渣輝」神級港普獻唱《你是如此難以忘記》x《忘情水》Remix，《忘情水》仲帶啲惡搞Feel，超正！其後「孖生大佬」學友登場，除咗同契爺合唱《還是覺得你最好》，「兩兄弟」仲不時爆笑追問修哥同羅蘭姐嘅緋聞，SLDPK呀！
最後修哥獲頒「舉辦演唱會最年長的華語藝人」證書，成功打破健力士世界紀錄，劉德華亦驚喜現身賀修哥，又「還原」《忘情水》原裝版，一眾藝人朋友齊齊陪修哥合唱《朋友》作結，修哥仲話希望明年見！等你呀！
此外，101歲「美艷親王」羅艷卿、羅蘭、盧海鵬等捧場，修哥亦專誠多謝幾位「老友記」，勁有愛！
