【Viu】kayan9896吳家忻日前被揭戀愛ing，呢日出活動見佢紅粉菲菲、春風滿面咁，受訪嗰陣大方認愛潮流界公關兼DJ Jerry，仲自爆已撻着半年，早前拍住拖去韓國搵GD影合照！kayan怕醜話二人本身係好友關係，愛苗係點燃起？邊個做主動？男友最吸引佢嘅係邊方面？kayan又冧評男友得88.5分，Jerry有咩要改進？雙方見咗家長未？
有指kayan被發現拍拖當日煙不離手，佢套用蔡瀾嘅「生活哲學」回應，話唔驚影響形象，只係同朋友聚會開心淺嚐，亦解釋係代入電影角色！
另一方面，今日踏入24歲嘅壽星女Marf@COLLAR，興奮話生日開工好充實，即場許願希望每年生日都開工，最好出trip中渡過添！Marf話噚晚係邊整住陶瓷邊過12點，同男友Locker一齊整？人鬼情未了style？睇story見Locker送上mini cup cake做生日蛋糕，Marf踢爆原來係佢買嘅，笑死！之後Marf透露Locker喺百忙之中都有送佢生日禮物嘅，但下年可以再努力啲咁話，要鞭策吓男友！
再次同韓國男神李洙赫同場，Marf話都係有被對方嘅「低音炮」震撼到，同為雙子座嘅二人互祝大家Happy Birthday！之後Marf又預告籌備新歌《Rrrr》dance version中，亦好開心可以同TELLER合作，嘗試廣東話rap，遲吓有機來個合唱版？早前Ivy So透露8月有大搞作，Marf接棒劇透咗啲咩？
另外，男神李洙赫壓軸登場，全黑打扮嘅佢一嚟先90度鞠躬打招呼超有禮貌呀！喺影相環節又喪轉pose散發魅力，以「低音炮」打招呼冧爆fans！男神表示開心見到fans嚟支持佢，透露會參與一部大制作電影，希望明年可以同大家見面！最後喺臨走前，李洙赫貼心留低一段message畀fans，即刻去片聽聽男神講咗啲咩啦！
