【Viu】話咁快就到農曆新年啦！新年期間除咗拜年，睇賀歲片都係一個唔錯嘅family活動！《祥賭必贏》由張繼聰、「阿Sa」蔡卓妍、Stanley@MIRROR、朱栢康、kayan9896、楊偉倫等主演，同大家小賭怡情一番！大表波喺戲中係演阿Sa嘅細佬，同「Oppa」朱康、kayan9896有段三角關係，夾喺兩位男神中間嘅kayan，又會點揀？
大表波笑話最難忍笑係一場打麻雀戲，篤爆「姐夫」阿聰成日同朱康互相「陷害」，最終害人終害己，阿聰榮升做NG王！至於忍笑功力最深嗰個就係修哥啦，對住成班搞笑高手都面不改容，係有咩絕招呢？kayan就自爆係本色演出，角色好食懶飛、不停講嘢又會喪shopping，大家又認唔認同？演員中背景最猛嗰個真心非朱康莫屬，演中韓混血兒有冇壓力？朱康講韓文掂唔掂先？
講到新年習慣，3位有冇啲咩特別嘅過年傳統？到時又會唔會約齊成班演員開枱打吓麻雀？當中邊位賭術係最高明？想知答案就去片啦！
