【Viu】姜濤、Anson Lo、Tiger邱傲然今晚為《 8點直樂 VIURIETY》嘅「Food Night」化身「型男大主廚」，AL以「教廚」身份為「Omakase委托人」環節炮製可麗餅，姜虎負責幫廚，姜濤仲幫Tiger揼骨兼吹耳仔；教主就將甜品分畀現場神徒食，又「人肉速遞」到觀眾府上，超有愛呀！
受訪期間，姜濤不斷「誘惑」Tiger，虎仔都忍唔住話對住「百厭姜」全日好攰呀！講到Tiger首唱Cover陳百強嘅金曲《漣漪》，佢話好緊張，唱完即刻鬆晒，仲預告6月尾Solo Con嘅籌備進度，估唔到虎仔同姜濤一樣食咗「誠實豆沙包」㗎喎！
此外，講到姜濤喺電台節目中分享對婚姻嘅睇法，仲話將來另一半可以唔使工作都得，Tiger即刻用「奶音」話：「養埋我呀！」笑爆全場！各位「姜虎關注組」成員想睇「99Line」展開激情對話，呢個足本訪問真係一流呀！
