【Viu】MIRROR今日出席《CHILL CLUB推介榜 年度推介25/26》記者會，隊長Lokman因病缺席；姜濤亦因為唔舒服未能受訪，希望12子都身體健康啦！講到喺台上拉票時，AK將機會送咗畀師妹COLLAR，師兄直言照顧師妹係本份，又笑認自己喺頒獎禮屬於「路人」，所以將拉票機會讓畀其他歌手，Ian亦附和「路人」說法，Ianson咁夾得唔得㗎？
至於Edan就話新歌MV化身「女爵安」係貪玩，希望大家唔會睇到嘔，講到Alton喺旅遊節目中嘅「第五性別」Look可以同「女爵安」有得撼，Edan即笑言要組女子組合「E勁」，有得諗喎！Edan又話同Jer噚晚喺Sing Con合唱《Again!》係花姐臨時提議，仲爆「Jer哥」係咁背歌詞但都唔記得，又講返同Anson Lo喺澳門開騷落台同握手一事。教主就話開唔開登神香港場就要睇客戶喇，敬請期待！
而Jeremy就首度回應高咗一事，仲話演舞台劇要向Frankie取經；Stanley就講返拍《寒戰1994》嘅動作場口有受傷；Tiger亦劇透同AK、天衡新歌嘅進度，想知就睇足本訪問啦！
