【Viu】《香港Comic Con 2026》今日圓滿結束，古天樂以《星球大戰》嘅「白卜庭」Look驚喜登場，雖然光劍一度唔著，依然無損「古Daddy」嘅型英帥造型，喺台上除袍即惹全場尖叫，仲即席宣布《香港Comic Con》明年見，各位動漫迷有福喇！
古生受訪時表示係噚晚臨時起意舉辦壓軸驚喜活動，多謝過百Cosplayers一呼百應，仲話因為要兼顧訪問所以冇得扮最愛嘅黑武士登場添！講到唔少網友今日喺現場撞到嘅黑武士疑似係古生，佢就鬼馬話：「可能真係呢！」
古生直言見到好多動漫迷自發搞活動好感動，希望下年可以物色更大場地舉行《香港Comic Con》，而且要搞得更有Party Feel喎！對於有入場人士投訴邊佑錫座談會安排混亂，古生就話大會已經向相關人士致歉並退款，果然係有膊頭嘅真男人呀！想知古生打算同珍藏講乜，睇足本訪問就一清二楚啦！
