【Viu】古天樂出品頭炮舞台劇《大龍鳯》殺到！搵嚟張繼聰首次擔任劇場監製，而12年憑同劇稱劇帝嘅朱栢謙則自導自演，其他演員就包括出爐影后廖子妤加一眾新人吳冰、黃梓僑、徐浩昌、湯君慈、許月湘等，齊齊做齣好劇！
阿聰呢次換咗個新崗位，笑話最大責任就係睇住盤數，事關唔可以令古老闆蝕錢㗎嘛，所以都壓力山大㗎！唔知佢同朱謙有冇諗過叫古生演出？點知佢哋即刻耍手擰頭，話如果真係叫咗就罪孽深重，會係咁大件事？
《大龍鳳》故事講述男主角有日突然發現未來妹夫嘅一張全裸床照，但入面個女人竟然唔係待嫁細妹，面對呢個世紀難題點解決？同樣，如果阿聰、朱謙喺現實生活中發現身邊好友被「戴帽」，佢哋又會唔會同好友通水？為咗更代入呢個情景，佢哋勁抵死用兄弟白只做例子，果然係好兄弟呀！想知道呢個新故事嘅發展動向，咁就要click入嚟睇啦！
