【Viu】Stephen馮德倫現身《香港Comic Con 2026》Day 2，搵埋識咗30幾年嘅老友兼「法國賭神」Declan Wong王盛德（王敏德哥哥）現身自家IP攤位，搞到現場水洩不通勁墟冚！Declan一出場就先表演多個魔術，之後再同Stephen重現經典電影《賭俠》場面，喺賭枱上對決，Declan仲有講金句「我要驗牌」添，啲回憶即刻返晒嚟！而馬詩慧帶埋細女Irisa王麗嘉撐Declan，Irisa更有份落場同大伯互動，最後仲吸引埋「食神」光臨！
事後Stephen搞笑自爆當初拜Declan為師學魔術全因為咗追女仔，咁唔知佢當時成唔成功？但當問到老婆舒淇係咪靠魔術娶返嚟嗰陣，Stephen就得戚話係靠個靚樣㗎，沾沾到佢呀！為咗同師傅Declan喺賭枱上battle，Stephen笑話都有再練返魔術！
講到Declan專登由紐西蘭飛返香港join佢呢個活動，Stephen指一定會再約Declan食餐飯，仲話想搵對方一齊拍片講金句添！會唔會搵埋Eason拍片重現金像獎爆嘅「聽我講！一齊企硬！」金句？早前同《IT狗2.0》嘅凌文龍、陳漢娜crossover拍片係邊個嘅idea？主演電影《第四幕》成上海國際電影節開幕電影，會飛上海見影迷？Declan知道自己憑「我要驗牌」再爆紅？有機再重現大銀幕？等Declan親自解說！
