【Viu】Stephen馮德倫事隔26年終於再推新歌《屢戰屢敗又怎樣》，開心話覺得個感覺好特別，透露新歌執行期只係短短個幾月嘅時間，既然咁有效率，咁點解要隔咁耐先出歌？當中考慮啲咩原因？佢仲話實有機會唱live添，咁就留名聽歌啦！
Solo歌ready好，下一步就輪到Dry出歌？睇Stephen同Mark嘅訪問，Mark答應咗會搞隻歌㗎，Stephen亦再三confirm佢絕對唔係得把口，就連Mark嫂都開晒綠燈，咁就要靠佢幫手催催大佬Mark啦！會唔會順便考慮搞返個Dry出道30周年嘅騷先？
Stephen話依家出歌做嘅宣傳最大分別係多咗啲social media宣傳，同埋唔使嘥時間再拍多個MV version for特定嘅電視台！佢亦會照派台，認真做宣傳，更表明想攞獎：「我冇宣布過話唔攞獎！」時下興玩Threads、IG，Stephen又會唔會更活躍同fans溝通，甚至係好似古天樂咁「破處」開live？或者就咁拎支結他落區busking？
除咗出新歌之外，Stephen透露一季10集嘅動漫劇集今年會有預告片推出，以香港做背景，講關於一個男仔因被霸凌最後有超能力變成超級英雄故事！有角色係影射老婆舒淇？英雄救美咁？舒淇會以導演身份畀意見？
若然Stephen之後再出歌，MV方面搵舒淇執導？Stephen一開始話如果老婆有興趣都可以，但下一秒就話最好唔好啦，係咪驚合作嗌交？另外，舒淇憑處女執導作《女孩》獲提名金像獎「最佳導演」、「最佳編劇」、「新晉導演」，Stephen睇好老婆攞獎？可以犧牲啲擺figure位置讓畀老婆擺獎座？想睇Stephen講嘢有幾fun就去睇足本訪問！
