【Viu】Ian今晚化身寵粉賢，現身陳卓賢國際歌迷會同佢喺啟德零售館搞嘅生日展覽「Ian Azure Nexus」，Hellosss迫爆幾層商場。Ian以白Tee Look加上燦爛笑容照耀全場，小編要暈喇！
Ian今晚全程笑口噬噬兼開籠雀咁一嚟就話要繞場一週，然後自稱「節目主持」開Turbo講嘢：「好耐冇見大家，辛苦你哋收工趕過嚟！多謝Fans Club嘅心思幫我整呢個生日展，因為我上年去咗澳洲冇見到大家，所以我決定嚟見吓大家傾吓偈。雖然嚟緊都有生日會，但見多一次都無妨。」Sweet爆呀！
Hellosss又預備咗過百條問題問Ian，估吓本尊最後答咗幾多？想知咪入嚟睇現場實況片囉！
