【Viu】Ian@MIRROR今晚西裝骨骨現身亞博國際馬術盛典做嘉賓，受訪前適逢大表哥Stanley宣布同女友Alina訂婚，Ian開心話今朝就知道喜訊，係大表哥親自喺個group入面報喜！佢又笑話平時每逢MIRROR排舞，都會追問大表哥幾時拉埋天窗，所以超戥對方開心！
大表哥暫時未宣布婚期，唔知到時會唔會搵齊11位MIRROR巴打齊齊做兄弟？如果係嘅話都好哄動喎！咁啱Ian最近寫咗首結婚歌《Hold My Hand》（Demo名），佢幽默笑話推薦Stanley到時喺婚禮上播，仲順便可以宣傳新歌添！定直頭搵Stanley、Alina參演MV，做男、女主角？
Ian日前上商台宣傳新歌《傷口上灑辣椒醬》嗰陣，透露今年會有全新solo con，呢日佢再劇透更多，已經同細榮傾緊rundown、舞台設計等等，更加碼自爆必定會有surprise送畀Hellosss！咁幾時可以睇到呢個concert？另外，今朝隊長Lokman大膽許願，團con想喺跨年檔期舉行，仲要係戶外，Ian接棒爆更多？個人大碟籌備進度？呢個足本訪問唔睇就走寶啦！
