【Viu】Ian@MIRROR、Kaho洪嘉豪孖住宣傳環保活動，今年繼續有拍攝雙語宣傳片，Kaho笑言今次啲對白比Ian多，大方自爆被圈咗幾粒英文字要再錄過，咁Ian又有冇被圈？兩子喺拍攝期間又有咩趣事？
啱啱出新歌《花邊細胞》嘅Ian，已經連續3個月都係喺23號出歌，「勤力賢」承認係專登安排嘅小驚喜，但「23號」背後隱藏咩原因？佢仲預告會一直出新歌至暑假檔期嘅個人騷，之後會唔會有跳唱快歌？on show又可以拎返件超低U領背心出嚟跳唱？Ian指就快公布個騷嘅詳情，但笑言大家依家都知好多，場次方面會超越上次？
日前Ian去撐Tiger嘅solo con，話雖然未有似其他兄弟咁企起身揈，但其實內心係好滾動、勁投入，戥Tiger喺音樂上搵到方向而開心！對有fans留意到Ian手上有瘀傷，點知當事人完全唔知情，會唔會太好笑？佢又表示為稍後嘅演唱會操練，依家腳傷痊癒3、4成，希望慢慢好返！再問到Ian有冇年齡焦慮？佢秒速神回一句，SLDPK！喺聽日嘅fans meeting又有冇準備驚喜畀Hellosss？
Kaho呢期喪推新歌《穿波鞋的惡魔》，上電台宣傳嗰陣大爆陳蕾提出改名為《我推的鞋子》呢個idea，有感老best幽默感大增！下一本《KIKI》籌備到咩進度？Kaho劇透新歌有英文歌詞，又可以騷佢最耍家嘅English！另外，Kaho上次出活動唔記得咗搣size貼紙，搞到院友s都知佢着L size，Kaho帶醋意自嘲呢件事好似仲多noise過出歌，真係畀佢笑死，下次着件XS、S衫出嚟？想知Kaho點答就睇足本訪問啦！
