【Viu】《GRASSHOPPER THREE IN LOVE草蜢演唱會2026》噚晚第四場，嘉賓係經理人林珊珊。珊珊相隔逾20年再踏舞台演唱，孖3子合唱自己經典歌《再見Puppy Love》、《戀愛預告》，震撼全場！而鄭伊健本尊更親自到後台打點、喺控制台監場，比自己開騷更肉緊。演出後珊珊問伊健同御用音樂人陳光榮演出成點？伊健即大叫：「OK」，珊珊如釋重負：「呢個係我producer 鄭伊健，佢話OK就得㗎啦！」
草蜢又送「金哨子」俾珊珊，阿智表示：「呢個唔係『銀雞』係『金雞』，金雞獨立，你一吹，我哋三個即到，可以指揮我哋！」珊珊笑指：「如果係足金就更好，依家金價好吖嘛！」
呢晚就吸引咗珊珊父母，兩個囡囡「西瓜」李澄、「野人」李怡，Anson Lo@MIRROR、鄭丹瑞、容祖兒、蔡卓妍、關智斌、GinLee等嚟捧場，想睇台上台下一樣有幾high，入嚟睇片啦！
