【Viu】今日係姜濤27歲生日嘅大日子，FC今年繼續舉辦「4.30 姜濤生日電車免費乘車日」，請全港巿民搭叮叮！一眾姜家人沿途唱生日歌為偶像慶生，除咗有男糖用重低音加持外，仲有姜糖出動「超跑」林寶堅尼嚟追「姜叮」兼舉燈牌應援，猛呀！
當「姜濤號」駛入「姜濤灣」時，銅鑼灣兩旁企滿姜家人，大家手持燈牌同「大頭姜」齊齊高呼：「姜濤生日快樂！」依舊萬人空巷！而姜糖們亦繼續喺姜濤灣打卡，甚至帶埋寵物盛裝打扮嚟參加「姜濤生日嘉年華」，又分享噚晚參加生日會嘅感受，大家都話畀姜Admin感動到喊呀！
此外，索爆表妹Angelina亦喺社交網站上載同「姜B」表哥Birthday Kiss嘅片段，超可愛呀！
