【Viu】聽日就係姜濤27歲生日嘅大日子，「姜濤香港後援會」今年移師啟德體育園舉辦「姜家人慈善生日慶祝活動 2026」，雖然中午一度發出黃色暴雨警告，但姜家人依然「風雨不改」打卡；姜濤亦現身喺啟德體藝館舉行嘅「姜家人慈善生日會 2026 」，同Fans近距離互動。
姜濤以學長Look現身，大送簽名壽桃公仔，仲搵嚟由出道合作至今嘅「大眼姐姐」換裝，挑戰「人生四格 」，姜尷立即上線，期間姜濤同全場觀眾玩遊戲「姜Admin話」，「百厭姜」笑到跪地咁滯，巧Cute呀！當姜濤欣賞FC悉心準備嘅短片時，又搞Gag話想「易容」參加生日會；見到今年喺主場館嘅「走馬燈」應援時仲話要爭取喺啟德主場館開騷，期待呀！
最後姜濤同姜家人分享由出世至今嘅4大人生崩潰位，除咗自爆試過「冧班」兩年外，仲話入行後試過情緒失控打爆玻璃，而26歲呢年亦係一個好重要嘅關口，雖然冇詳述內容，但佢希望姜糖相信自己所做嘅每一個選擇，最後哽咽獻唱偶像羅志祥嘅《愛不單行》憑歌寄意，再向姜家人深深鞠躬，轉身後仲輕抹眼淚，場面感人！想同姜濤一齋又喊又笑就睇現場實況啦！
