【Viu】姜濤@MIRROR今日現身世界盃商場活動，期間全場姜糖送驚喜，大合唱生日歌同呢位下個星期生日嘅壽星仔提早慶祝，事後姜濤指有諗返起初出道20歲生日嗰陣，喺同一地點同姜糖慶祝，係愛呀！唔知姜濤喺生日正日有咩搞作？
姜濤笑指「奶奶」姜媽同姨媽仲喺加拿大enjoy旅程，獲多位外國「新抱」邀請去生日展，所以勁風騷咁話！唔知姜濤有冇興趣識返個外國女朋友？
自爆之前讀Sport Coaching嗰陣試過做守門員嘅姜濤，對足球認知有幾多？之後會唔會搵埋「風之子」Jer、AK、Tiger踢場友誼賽？點知令姜濤醒起日前同肥仔、陳安立「隻揪」Pickleball以一分之差慘敗，會唔會覆桌先？繼而姜濤讚肥仔樣樣皆精又叻教人，印象最深刻係肥仔教佢減肥，SLDPK！
有關團綜，姜濤跟大隊許願飛歐洲，唔知佢最想12子一齊做咩事？再一齊煮飯仔有冇得諗？姜濤又預告好快就會公布今年嘅音樂大計，但揚言可能大家嘅反應會好兩極，到底係賣咩關子？正日生日會唔會出新歌？另外，喺金像獎被正副隊長Lokman、AK夾計整蠱，變成最有錢嘅人，姜濤又點睇？有冇諗定復仇大計？想知就睇足本訪問啦！
